Siri, shpërndahen me dhunë protestat

Forcat e sigurisë në Siri përdorën forcën për të shpërndarë një protestë masive anti-qeveritare në qytetin e tretë më të madh të vendit, Homs, lajmëruan pjesëmarrës të demonstratave.

Disa orë më parë, Ministria e Brendshme lajmëroi se nuk do të tolerojë asnjë revoltë brenda vendit, duke paralajmëruar për ndërhyrjen agresive.

Sipas një protestuesi të kuotuar nga BBC, ka patur disa të plagosur dhe të paktën një të vdekur.

Sipas aktivistëve, më shumë se 200 sirianë kanë vdekur në javët e protestave që sfidojnë pushtetin autoritar të presidentit Bashar al-Assad.