Serbi fillojnë hetime për sulmin ndaj selisë Diplomatike Gjermane në 2008

Pas presioneve të shumta gjermane kohët e fundit për hetim të sulmit ndaj ambasadës gjermane në shkurtin e vitit 2008, deshi s’deshi Serbia do të hetojë çështjen. Aq më tepër që Gjermania e ka vënë këtë kusht për integrimin e Serbisë në BE. 

Nënkryetari i qeverisë serbe, Aleksandar Vuçiç, ka thënë sot se “janë hapur hetimet lidhur me sulmet në Ambasadën gjermane në shkurtin e vitit 2008 pas mitingut të ashtuquajtur: "Kosova është Serbi".

“Tashmë janë bërë disa proceduara, e kjo çështje nuk përbën problem”, ka thënë ai për gazetarë, duke shtuar se askush nuk ka të drejtë të sulmojë përfaqësitë e huaja, njofton B92.

Edhe disa prokurori në Beograd dhe në Novi Sad kanë nismuar në prill të këtij viti hetimet ndaj 14 të dyshuarve për sulme në ambasadat e SHBA-ve, Turqisë dhe Kroacisë pas shpalljes ës pavarësisë së Kosovës më 17 shkurt 2008.