Optimist Ceku, FSK, kapacitete të plota deri në fund të vitit

Ministri i Forcës së Sigurisë së Kosovës, Agim Ceku ka shprehur bindjen e tij se deri në fund të vitit kjo njësi do të arrijë kapacitetet e plota operacionale. 

“Besoj shumë se brenda këtij viti ne do t’i arrijmë ato. Procedura është e tillë që komandanti i KFOR-it duhet t’ia rekomandojë Këshillit të NATO-s dhe ky i fundit të aprovojë me argumente se kapacitetet janë arritur”, ka deklaruar Ceku.

Në një intervistë për radion “Blue Sky”, Ceku ka theksuar se FSK tashmë i ka arritur dhe tejkaluar kërkesat e parashtruara në planin “Ahtisari”.

“Besoj se këtë do ta konfirmojë edhe Këshilli i Atlantikut të Veriut. Për ne është shumë me rëndësi arritja e kapaciteteve, sepse na hapet dera për të ndërtuar të ardhmen”, ka shtuar Ceku.