Lindje e Mesme, sulmohet tubacioni i gazit Egjipt-Izrael

Zyrtarët egjiptianë thanë se një tubacion i gazit në Izrael dhe Jordani është sulmuar sot në mëngjes.
Nuk ka pasur njoftime për ndonjë viktimë.

Zyrtarët thanë se shpërthimi ndodhi në El-Arish, një qytet 50 kilometra nga kufiri i Izraelit me Egjiptit.
Ky sulm është i treti me radhe që ndodh në njërin nga tubacionet kryesore të Egjiptit që nga rrëzimi i presidentit pas kryengritjeve popullore në vendin Arab.
Askush nuk ka marrë përgjegjësinë për shpërthimin.