DT, Gedafi i gatshëm të largohet nga Libia

Gazeta prestigjoze britanike, Daily Telegraph, shkruan se lideri libian, Muamar Gedafi është i gatshëm të lërë pushtetin dhe të largohet nga Libia.

Sipas Daily Telegraph, Gedafi është dakort të largohet menjëherë nga vendi nëse pushteti i kalohet djalit të tij, Seif al Islam.

Po sipas mediave britanike, edhe Franca, e cila u vendos në krye të sulmeve ndaj kolonelit, është shprehur e gatshme të lejojë Gedafin të largohet nga Libia dhe të anulojë mandat-arrestin ndërkombëtar që është nxjerrë për të.