ATHINE- Megjithë axhendën e ngjeshur si kryetar i qeverisë, të cilit i duhet të menaxhojë çështje të ngutshme ekonomike, kryeministri grek Jorgos Papandreu, përfshiu sot në axhendën e tij zyrtare, në ora 12 30 një takim me kryetarin e Omonias, Vasil Bollano dhe kryetarin e Partisë të Drejtat e Njeriut në Shqipëri Vangjel Dule, në zyrat e Parlamentit. Lajmi bëhet i ditur në faqen zyrtare e kryeministrit të Greqisë, ku nuk jepen detaje mbi përmbajtjen e këtij takimi.
Takimi i kreut te Omonias dhe atij te PBDNJ me kryeministrin grek merr një rëndësi të vecantë, pasi ai zhvillohet vetëm një javë para zgjedhjeve lokale në Shqipëri dhe në një klimë debatesh të shkaktuara nga ideja e regjistrimit të popullsisë mbi baza etnike.
Post a Comment