Vetëvendosje: Dhuna Etnike në stadium, Bajram Rexhepi duhet dorëhiqet!

Pas përleshjes që ndodhi të enjten mes tifozëve të skuadrës së 'Plisave' dhe forcave speciale të Policisë së Kosovës pas ndeshjes mes dy skuadrave kosovare të basketbollit, Sigal Prishtinës dhe Bambit, ka reaguar edhe Lëvizja Vetëvendosje. 

Vetëvendojse ka dal në mbrojtje tifozëve prishtinas, duke e konsideruar ndërhyrjen e Policisë si joprofesionale dhe me motive etnike. Sipas Lëvizjes Vetëvendosje, policët e komunitetit serb kanë ushtruar dhunë brutale ndaj tifozëve të skuadrës së Prishtinës, vetëm pse ata kanë qenë shqiptarë. 

Anëtari i këtij subjekti politik, Rexhep Selimi pas kësaj përleshje ka thënë se ministri i Punëve të Brendshme, Bajram Rexhepi duhet t'u kërkoj falje 'Plisave' dhe të jap dorëheqje nga posti qeveritar.