Kancelarja gjermane, Angela Merkel e ka mbrojtur heshtjen e qeverisë gjermane lidhur me marrëveshjen e diskutueshme për tanket me Arabinë Saudite.
Vendimet e Këshillit Federal të Sigurimit kanë arsye përse mbahen të fshehta, tha Merkel në gazetën "Mittelbayerische Zeitung".
Transparenca e nevojshme është dhënë përmes raportit vjetor për eksportin e armëve. Bëhet fjalë për shitjen e supozuar të 200 tankeve luftimi Leopard 2A7+ në Arabinë Saudite.
Duke iu referuar shkeljeve të të drejtave të njeriut, partitë opozitare SPD, të Gjelbrit dhe e Majta janë kundër marrëveshjes. Këtë të premte Bundestagu përsëri do të merret me këtë çështje.
Me kërkesë të partisë e Majta, qeverisë i bëhet thirrje që të tërheqë miratimin për shitjen e tankeve. Përmes votimit me emra deputetët e partive të koalicionit do të jenë të detyruar të bëjnë të ditur pozicionin e tyre. Gjithashtu në CDU dhe FDP shitjet e tanke kanë shkaktuar iritim.
Post a Comment