Gjermani, reforma në ushtri, hiqet shërbimi i detyrueshëm

Duke filluar nga sot, shërbimi ushtarak në Gjermani bëhet vullnetar. Pas 54 vitesh të shërbimit të detyrueshëm, i vendosur për 8 milionë gjermanë, ka hyrë në fuqi reforma që e bën Bundeswehr, forcat e armatosura të vendit, një ushtri profesionale.

Të hënën ministri i Mbrojtjes, Thomas de Maiziere, do të përshëndesë vullnetarët e parë në një ceremoni që do të mbahet në Berlin.

Ministri ka lajmëruar se në të ardhmen ushtarët vullnetarë nuk do të jenë më pak se 5 mijë.