Rasmussen: Nuk ka ndonjë informat për ndonjë shtet që furnizon rebelët

Sekretari i përgjithshëm i NATO-s, Anders Fogh Rasmussen ka deklaruar të enjten në Vjenë se aleanca nuk është e përfshirë në operacionet e Francës, e cila përmes ajrit furnizon me armatim rebelët që luftojnë kundër rregjimit të Muamer Gaddafit.



Duke folu para gazetarëve gjatë vizitës në Vjenë, ai ka thënë se nuk ka ndonjë informatë për asnjë shtet që po jep armatim për rebelët.
Franca të mërkurën është bërë vendi i parë i NATO-s, që pranon zyrtarisht se po armatos rebelët. Ky vend ka thënë se është duke furniziar nga ajri me armatim luftëtarët fisnor të quajtur, Berber, në pjesën jugperëndimore të kryeqytetit, Tripoli.
Mahmud Xhibril, udhëheqësi i Këshillit Tranzitor Kombëtar që gjithashtu ishte për vizitë në Vjenë, ka thënë sot se rebelët kanë nevojë për më shumë armë më të mira që të fitojë luftën në Libi.