SHBA: Turqia t’u bashkohet sanksioneve ndaj Iranit

Shtetet e Bashkuara të Amerikës i kanë kërkuar Turqisë që t’u bashkohet sanksioneve të Kombeve të Bashkuara kundër Iranit, edhe pse Turqia synon raporte më të afërta tregtare me Teheranin.

Mediat raportojnë se një zyrtar i Departamentit amerikan të thesarit, këtë mesazh e ka paraqitur zyrtarëve të qeverisë dhe bankierëve të Turqisë, gjatë vizitës në Stamboll dhe në Ankara këtë javë.
Zyrtari David Cohen, tha mbrëmë se Turqia, një fuqi ekonomike në rajon, ka rëndësi madhore për implementimin e plotë të sanksioneve, me qëllim që Irani të detyrohet ta ndalë programin e tij bërthamor.