NATO intensifikon sulmet mbi Libi

Ashtu sic ishte paralajmëruar në ditët e fundit, NATO intensifikoi sulmet ajrore mbi forcat e Gedafit në Libi.

Dëshmitarë okularë cituar nga CNN thonë se kanë degjuar shpërthime të fuqishme në Tripoli. Janë dëgjuar gjithashtu edhe avionë luftarakë mbi qiellin e kryeqytetit libian.

Të paktën 3 shpërthime të fuqishme brenda një harku kohor të ngushtë janë dëgjuar në Tripoli, raporton korespondenti i CNN.

NATO paralajmëroi civilët të qendrojnë larg zonave dhe ndërtesave ushtarake për të shmangur humbjen e jetëve të pafajshme, ndërkohë që në dispozicion të Aleancës janë vënë edhe UAV amerikane, Predator.