Jemen, policia qëllon ndaj turmës

Policia jemenase hapi zjarr gjatë mesditës ndaj protestuesve që kishin krijuar disa barrikada me goma që u ishte vënë flaka, ndërsa të paktën një njeri është deklaruar i vdekur.

Ngjarja e ndodhur në Taiz është episodi i rradhës i dhunës që ka përfshirë prej kohësh vendin më të varfër të botës arabe.

Këshilli i Sigurimit në OKB pritet të takohet më vonë gjatë ditës për të diskutuar rreth situatës së krijuar në vend, me vendet perëndimore dhe ato arabe që i frikësohen mundësisë së një lufte civile nëse përballjet vazhdojnë.

Presidenti Ali Abdullah Saleh drejton prej 32 vitesh vendin, por ai nuk ka mundur të mbajë Jemenin jashtë vorbullës ku janë përfshirë shtetet arabe.