Hap kalimin me Rripin e Gazës

Egjipti do të lërë hapur për një kohë të gjatë kalimin kufitar me Rripin e Gazës, për të zbutur bllokadën, që Izraeli ka ngritur kundër territorit palestinez. Këtë e bëri të ditur ministri i Jashtëm egjiptian, Al Arabi. Kalimi kufitar në Rafah është i vetmi që nuk do të kontrollohet nga Izraeli. Egjipti e hapi këtë kalim vitin e kaluar vetëm për raste të nevojave humanitare. Pas marrjes së pushtetit nga Hamasi radikal islamik, Izraeli në 2007-n kishte ashpërsuar edhe më tej bllokadën e Rripit të Gazës.